Nongstoiñ, Risaw 08: U Deputy Commissioner ka West Khasi Hills District, u bah Garod L.S.N Dykes IAS u la pyntip ba Sorkar Meghalaya, lyngba ka Tnad Jngohkai Pyrthei ka la pynjlan ïa ka por ban thep ïa ki application na ka bynta ka skhim Chief Minister Meghalaya Hospitality Scholarship 2025 shaduh ka 10 tarik Risaw 2025 sngi Thohdieng haduh ka por 5 baje janmiet.
Kane ka jingpynjlan por ka long hadien ka jingpynbna jong ka Tnad kaba kham mynshwa kata No. Tourism 16/2008/PL-11/54 tarik 17 Nailur 2025.
Ka rukom thep aplikeshon ka long ba kiba thep offline ïa ki application form lah ban ïoh lyngba ka https://tinyurl.com/ihmscholarshindocs bad na ki Block Development Office bad submit ïa ki phorm kiba la pyndap pura ha ki ophis BDO. Katba kiba thep online pat thep hapoh kane kawebsite https://tinyurl.com/ihmscholarshipmcgh.
La kyntu jur ïa ki nongaplai ba kin pynthikna ba ïa ki phorm ba la pyndap jong ki ryngkat bad baroh ki kot ki sla kiba donkam dei ban ai ha ka por ne shwa ka por ba la pynjlan. Baroh kiwei pat ki kyndon bad ki jingpynbeit ba la kdew mynshuwa ki dang sah kumjuh.
Na ka bynta ki jingtip kiba kham bniah bad kiwei kiwei ki jingdonkam, ki nongaplai ki lah ban leit sha la ki jong ki jong ki jong ki Block Development Office lane lyngba ka website www.meghalayatourism.in.
