Treikam ka Meghalaya Bharat Scouts and Guides hapoh ka tnat Pule Puthi, ong u Bah Lahkmen

Shillong, Rymphang 24: U Myntri ka Tnat Pule Puthi u Bah Lahkmen Rymbui u la pyntip hapoh ka Ïing Dorbar ba ka Meghalaya Bharat Scouts and Guides ka treikam hapoh ka tnat pule puthi bad ba la shna ruh ïa ka Service Rules na ka bynta ki nongtrei.
Haba jubab ïa ka jingkylli ba la wanrah da u MLA ka UDP Bah Renikton Lyngdoh Tongkhar, u Bah Lahkmen u la ong ba kane ka Draft jong ka Service Rule ka dang don ha ka jingpynkhreh ban bishar bad mynjur.
U la bynrap ba ki samla pule kiba pynrung kyrteng hapoh ka Meghalaya Bharat Scouts and Guides ki ïoh lad ban shim bynta ha ki jingïalang ha ki kyrdan district, state, regional, national bad international level ban ïoh jinghikai ha ki mapping, pioneering bad campcraft ki bym ju hikai ha ki skul.