Nongstoiñ, Jylliew, 19: Hadien ka jingud jingnam jong ki paidbah nongshong shnong, halor ka jingbym lah jong ki Company ban pynbiang umphniang Diesel bad Petrol, ban ai jingshakri ïa ki paidbah, ka Meghalaya Youth Federation Mawshynrut circle ha ka jingïalam u President Bah Pynshai Kharbani lem bad ki dkhot, ki la leit ban jurip ïa ki petrol pump ha katei ka thaiñ Shallang bad ka la lap ba wat kawei ruh ka petrol pump, kim shym la don umphniang satia.
Ka seng ka la maham ïa kitei ki petrol pump ba lada kim lah ban pynbïang Petrol ne Diesel, ka seng kam banse ban shim da kiwei pat ki lad ki lynti, khnang ba ki paitbah kin suk ha ka leit ka wan. Ha kajuh ka por ka seng ka ai khublei ruh ki nongïalam shnong jong ka Shallang kiba ladon ryngkat ha ka jingleit jurip ïa kitei ki petrol pump.
