Khliehriat, Nailur 19: Namar ka jingwan tuid ka khyndew ktieh sha surok national highway-6 hajan ka tunnel ha Sonapur, ka la don ka jingthut khyndiat ha ka leit ka wan ha kaba tang ki kali kiba rit ki iaid bad ki kali heh ki hap ban ieng shwa shi por.
Kane ka jinghap ka khyndew ka la sdang naduh ka por mynstep kumba 7 baje mynstep bad la lah ban pynkhuid ïa ka khyndew ktieh haduh ka por 3.45 mynta jan miet.
Kane ka jinghap ka khyndew ktieh ha katei ka jaka ha jan ka tunel ha Sonapur ka dei kaba ju jia man ka por khamtam haba don slap bad ka ju wanrah ruh ïa ka jingthut ha ka leit ka wan jong ki paidbah kiba ju ïaid lyngba na katei ka national highway, hynrei man la ka por da ka jingshim khia ki bor ba dei peit bad ka NHAI la lah ban pynkhuid kloi katba lah ïa ka khyndew bad ki maw kiba hap ha surok.
