Shillong, Nailar 01 : Ka Rotary Club of Orchid City Shillong (RCoOCS) ha ka sngi Saitjaiñ ka la hiar sha ka shnong Nongkhlaw, Eastern West Khasi Hills ban thung ïa ki tynrai dieng hapoh ka skhim “Project Hariyali-Trees for Future”, ïa kaba la bei pisa da ka Mahindra Finance.
Kane ka jingthung ïa ki tynrai dieng ka long ban ïada na ka jingjaboh jong ka mariang. Ha kane ka sngi thung 300 tylli ki tynrai dieng kiba dei ki symbai dieng soh bad ïa kine ki tynrai dieng soh la thung ha ki jaka shnong bala bthah da ka Dorbar Shnong Nongkhlaw.
Ha kane ka jingthung dieng la sakhi lang da u Additional Deputy Commisioner ka Eastern West Khasi Hills u Bah A. Nongbri, u Prof. (Dr.) Dibyendu Paul uba mihkhmat ïa ka tnad pule ba dei peit ïa ka jingpynneh pynsah mariang ka skulbah NEHU, Shillong, u Rangbah Shnong ka shnong Nongkhlaw u Bah Klement u Vice President ka Rotary Club u Rtn Vivek Kumar bad kiwei kiwei.
