Jowai, Jymmang 28 : Ka Jaiñtia Fishing and Environmental Protection Association (JFEPA) halor ka thong Mission Life mynta ka sngi hapoh ka jingïalam jong u President jong ka u ma DH Pde kala ïoh ban pynlong ïa ka prokram jingïathung dieng ha ki rud jong ka wah Myntdu naduh Mutong haduh Lahong.
Ïa kane ka jingïathung dieng la ïasnohktilang bad ka ophis Divisional Forest Officer, Jaiñtia Hills, Wildlife Dicision, Jowai.
Ha kane ka sngi ki dkhot jong ka seng ryngkat bad kitei ki briew sorkar kila ïoh ban thung haduh 200 tynrai ki dieng ha shilynter kitei ki bynta jong ka wah Myntdu. Ha ka juh ka por la kyntu ïa ki paitbah kiba liet kai sha kitei ki jaka bathung ïa ki dieng ba kin dei ban pynjulor ïa ki bad na ka liang ka seng ruh kan ïaleh katba lah ban sumar ïa kitei ki tynrai dieng ba kin heh ki san.
