Shillong, Jylliew 24: Ka Sorkar Jylla ka la rai ban thung ïa ki Block Development Officers (BDOs) kiba thymmai ha ki 8 tylli ki Community and Rural Development Block ha ka jylla.
Ïa ka Kong Adiel R. Kynta (MCS) ba dei Assistant Commissioner ka Ri-Bhoi District, Nongpoh la pynkynriah bad la thung kum Assistant Commissioner jong ka Sohra (Civil) Sub-Division. Kan hap ruh ban shakri ruh ha ka Community & Rural Development Department na ka bynta ban shah thung kum ka BDO jong ka Shella-Bholaganj C&RD Block.
Ïa ka Kong Dahunshisha Lyngdoh (MCS) kaba dei ka Assistant Commissioner ka East Khasi Hills ka la hap ban shakri hapoh ka Community and Rural Development Department na ka bynta ban shah thung kum ka BDO jong ka Mawlai C&RD Block.
U Bah Silvester Phanbuh (MCS) uba dang shakri kum u Assistant Commissioner jong ka West Jaiñtia Hills la pynkynriah bad shah thung kum u Assistant Commissioner ka East Khasi Hills. Un hap ruh ban shakri hapoh ka Community and Rural Development Department na ka bynta ban shah thung kum u BDO jong ka Mawpat C&RD Block.
U Bah Andrew L. Myrthong (MCS) uba mynta u shakri kum u Assistant Commissioner ka Ri-Bhoi District u la hap ban shakri hapoh ka Community and Rural Development Department na ka bynta ban shah thung kum u BDO jong ka Umsning C&RD Block.
Felicity Wann (MCS) ba dei mynta kum Assistant Commissioner jong ka East Jaiñtia Hills la hap ruh ban shakri hapoh ka Community and Rural Development Department ha shwa ban shah thung kum BDO jong ka Lumshnong C&RD Block.
U Bah Lamriche Kharmon (MCS) ba shakri mynta kum Assistant Commissioner ka East Jaiñtia Hills la shah pynkynriah noh bad shah thung kum Assistant Commissioner ka Pynursla (Civil) Sub-Division. Un hap ruh ban shakri hapoh ka Community and Rural Development Department ha shwa ban shah thung kum u BDO jong ka Pynursla C&RD Block.
U Keith T. Nongsteng (MCS) ba shakri kum Assistant Commissioner, Ranikor (Civil) Sub-Division la pynkynriah noh bad shah thung kum Assistant Commissioner ka East Khasi Hills. Un hap ruh ban shakri hapoh ka Community and Rural Development Department na ka bynta ban shah thung kum BDO jong ka Mawphlang C&RD Block.
U Raj Kumar Hajong (MCS) uba mynta u dei u Assistant Commissioner jong ka East Khasi Hills bad BDO jong ka Shella-Bholaganj C&RD Block la pynkynriah noh bad shah thung kum Assistant Commissioner jong ka West Garo Hills. Un hap ruh ban trei hapoh ka Community and Rural Development Department ha shwa ban shah thung kum u BDO jong ka Gambegre C&RD Block.
Commissioner of Pynursla (Civil) Sub-Division, Pynursla and Block Development Officer of Pynursla Community and Rural Development Block.
Evanmi Lyngdoh (MCS) ba dei Assistant Commissioner ka East Khasi Hills and Block Development Officer ka Mawpat Community and Rural Development Block la pynkynriah bad thung kum Assistant Commissioner ka West Khasi Hills.
U Bah Mardondor B. Tongper (MCS) uba dei u Additional Deputy Commissioner ka West Jaiñtia Hills la shah pynkynriah bad shah thung kum u Additional Deputy Commissioner ka Ri-Bhoi District. Un trei ruh kum u Additional Deputy Commissioner in-charge jong ka Patharkhmah (Civil) Sub-Division.
