Shillong, Lber, 26: Ka Kynhun Myntri jong ka Sorkar Jylla ha ka sngi Balang ka la mynjur ban thung ïa ka Chief Secretary barim ka Sorkar Jylla ka Kong Rebecca V. Suchiang kum ka Chief Information Commissioner (CIC) ba thymmai jong ka jylla na ka bynta ka samoi treikam kaba lai snem.
Haba kren sha ki lad pathai khubor, u nongaitktien jong ka Sorkar Jylla Bah Paul Lyngdoh uba long ruh u Myntri ka Sorkar u la ong ba ka jingthung ïa ka Kong RV Suchiang kaba dei ka ophisar IAS ba la shongthait ka long hadien ba ka shuki Chief Information Commissioner (CIC) ka la shu sah thylli hadien ka jingshongthait noh jong u ophisar IPS Bah H. Nongpluh ha ka 14 tarik, Naiweng, 2024.
