Shillong, Lber 08: Ka Sorkar jylla ka la thung ïa ka Working group Committee ban shong bishar ïa ka jingtyrwa pynkylla ïa ka Constitution (Schedule Tribe) Order, 1950.
Ïa kane la pyntip da u Myntri ka Tnad Social Welfare Bah Paul Lyngdoh ha ka jubab ba la wanrah hapoh ka ïingdorbar Thaw Aiñ ha ka sngi Thohdieng.
“Ka Sorkar ka la thung ïa ka Working Group Committee ban shong bishar bad ban ai ïa ki jingai jingmut halor ka thup ki Schedule Tribe ha Meghalaya ban pynkylla ïa ka Part-XI jong ka Schedule of the Presidential Order, 1950 ba ïadei bad ka Jylla Meghalaya,” ong u Bah Paul.
