Shillong, Jylliew 06 : U Myntri Rangbah ka Jylla Conrad K Sangma mynta ka sngi Ba-ar, ula thung bad bet symbai shyieng (seed ball) bad ki Khynnah skul ha SICPAC, Shillong kum shibynta ban rakhe ïa ka World Environment Day.
Hapoh ka Mission LIFE Initiative, ka Meghalaya ka la thung haduh 5 lak tylli ki symbai dieng (seed ball) da ka jingïashimbynta shithem jong ki Khynnah skul,ki Dorbar Shnong bad ki Tnad Sorkar.
Kum shibynta na kane ka prokram, u CM bad ki Khynnah skul ki la bet symbai shyieng soh ha sawdong ka SICPAC.
Haba thoh ha ki rynsan Social Media ban ïasam paidbah ïa ki dur jong kane ka prokram pynneh mariang, u CM ula ong “Mynta ka sngi ngi la bet ïa ki symbai shyieng soh ha sawdong ka phyllaw ka SICPAC ha ryngkat bad ki Khynnah skul. Kane ka kam pynbyrngia haba hikai ïa ki Khynnah jong ngi ba kin thung ïa ki symbai dieng bad ba kin don ïa ka jingpyrkhat ïa ka mariang bad ka Green Meghalaya. Haduh 3.6 million ki symbai shyieng yn sa sam sha kylleng ki Khynnah Skul, ki Dorbar Shnong ba kin ïashimbynta ha kane ka sienjam ban pynkha ïa ki jaka ba jyrngam ha Jylla Meghalaya”.
