Shillong, K’Lyngkot 08 : Ka Congress ka la ïoh pdiang ïa ki aplikeshon na kumba 70 ngut ki kyrtong kiba ïakhun ban ïoh tiket na ka party ha kane ka elekshon ban wan ha Garo Hills Autonomous District Council (GHADC), kaba la la kumno kumno kan long shen mynta u snem.
Haba kren sha ki lad pathai khubor mynta ka sngi Palei, u hehduh ka Congress, Bah Vincent H Pala u la pynpaw ba ka party ka la pynkhreh bha na ka bynta ka elekshon GHADC kaban sa long shen.
“Na ka bynta ka elekshon GHADC, ngi la dep khot aplikeshon na ki shibnai ba la dep. Baroh ki don kumba 70 ngut ki kyrtong kiba pan tiket kiba la wan shakhmat, bad ngi hap ban rai halor kane ka mat,” la ong u Bah Pala.
Shuh shuh u ong ruh ba ka rai jong ka party halor ki kyrtong yn sa shim tad haduh ba la pynbna ïa ka tarik elekshon.
“Kumba ju long, shisien ba ki la pynbna ïa ka tarik elekshon, ngi pynbna ïa ki kyrtong jong ngi.
