Shillong, Nailur, 03: Ka ïew tamasa ba la tip kum ka 15th International Shillong Shopping Carnival kaba la long ha madan ïewrynghep, Laitumkhrah, Shillong ka la sdang naduh ka 27 tarik Nailar 2025 bad kan kut haduh ka 15 tarik Nailur, 2025.
Ka Industries and Trade Fair Association of Assam (ITFA) kaba long ka nongpynïaid ïa kane ka iew tamasa ba la ai jingkyrshan ruh da ka Sorkar Meghalaya ka la pyntip ba kin don ruh ki khusnam pisa na ka bynta ki paidbah kiba thied ïa ki entry ticket ha kaba ka first prize kan long 75 hajar tyngka, ka second prize kan long 50 hajar tyngka bad ka third prize kan long 25 hajar tyngka.
Ha kane ka kynti, ki don ruh ki mar ba la wanrah na ka ri Iran, Afghanistan, Dubai bad na ka ri Thailand ïa kiba la die ha kane iew kynthup ruh ïa ki jingbam ba laiphewjait.
U nongthoh khubor ha ka jingïakren bad ki paidbah kiba wan sha ka Trade Fair ki la ong ba ki ïoh ïa ki tiar kiba kham phylla na ki dukan ba la die ha kane ka iew bad nalor kata ki ïohmad ruh ïa ki jingbam ba la shet sha kiwei pat ki ri.
