Shillong, Rymphang 28: Ka February edition ne ka sien ka ar kaba la long ïa ka ïew ki nongrep ba shi sien shi bnai, ba la pynlong da ka 1917 iTEAMS hapoh ka tnad Agriculture & Farmers’ Welfare bad ba la kyrshan da ka Meghalaya Farmers’ (Empowerment) Commission (MFEC) la pynlong mynta ka sngi hadien ka jingsei soh na ka jingpynlong ïa ka January’s First Edition.
Ïa kane ka ïew ki nongrep ba shi sien shi bnai la pynlong ha ka jaka pynieng kali jong ka ophis Directorate of Fisheries, kaba don mar pyrshah bad ka St. Edmund’s College, Shillong.
Ha kane ka ïew ki nongrep la sakhi ia ki jingbam ba la wanrah da ki nongrep kum ki strawberries ki soh marit, soh niamtra, ki shriew, pathaw bad kiwei kiwei de ki mar rep.
Ka jylla Meghalaya kumba long mynta ka la lah ban pynmih kumba 1,200 metric tonnes u strawberries man la u snem, bad ka jingkiew ki nongrep kala poi saha ki 250 ki shnong bad kaba la ai jingmyntoi ia ki 4,000 ngut ki nongrep.
Ha kaba ïadei bad u Sohmarit, ka jylla la lah pynmih kumba 2,000 metric tonnes ha kylleng ki jaka kaba la kot haduh 2,083 hectares, bad kane kala iarap ia palat 2,600 ki nongrep.
Ki dkhot jong ka Van Dhan Vikas Kendra (VDVK) kiba la shah hikai ha ka Institute of Hotel Management (IHM), Shillong ki la pyni ia ka rukom shet jingshet ne live kitchen haba ki nongwan iew kila ioh ban sakhi ia ka jingshet (farm-to-plate) kaba la pyndonkam da ki soh strawberry bad u sao marit, ryngkat ki jingrwai ba la rwai da ki ka Chief Minister’s Meghalaya Grassroots Music Program (CM-MGMP) .
Ka Iew jong ki nongrep ba man la u bnai ka dei ka bynta jong ka buit treikam kaba kham khraw jong ka Sorkar ban pynkhlain ia ka ioh ka kot ha ki nongkyndong, ban kyntiew ia ka rep ka riang.
