Nongpoh Nohprah 06 : Ka ophis u Block Development Officer Umsning C&RD Block ha ryngkat ka jingïatreilang bad ka ophis u District Disaster Management Officer (DDMO), Ri Bhoi District ka la pynlong ïaka program ai jinghikai kumno ban pynkhreh haba khih u jumai lane kino kino ki jingjia shah lyngshop ha ki bor mariang.
Ha kane ka sngi shwa ka mock Drills haka por mynstep la pynlong shwa daka program lyngkot ha kaba la batai bñiah shaphang ki kamram ban leh ha ki por ba lyngshop ki bor ka mariang ïa kaba la ai jinghikai na ki ophisar ka tnad District Disaster Management Officer (DDMO), Nongpoh, ka jinghikai haka por pluh ding lane training on Fire Safety kaba la ai jinghikai da ka Fire & Emergency Service Ri Bhoi District, ka jingaijinghikai kumno ban wat ban ai jingsumar kyrkieh ïaki lanot lane ka training on basic search rescue and First Aid kaba la ai jinghikai da ka tnad Civil Defence Nongpoh Ri Bhoi District.
Ha kane ka sngi la don lang da u BDO ka Umsning C&RD Block U Bah A. Myrthong, u Bah J Mawthoh, District Disaster Management Officer (DDMO), u Bah S. Mawlong Assistant Conservator of Forest Social Forestry Nongpoh Division, u K. Islam officer In-charge Umsning Police Station lem bad kiwei kiwei ki ophisar bad ki nongtrei ka tnad ka koit ka khiah, ki nongtrei naka tnad Forest Umsning Range, ki nongtrei na ka Umsning C&RD Block lem bad ki pulit na Umsning Police Station bad kiwei kiwei.
Ha kane ka Mock Drill u Jumai ba 6.9 magnitude u la khih ha Umsning ha kaba kala don ruh ka jingshah lyngshop ka ophis u BDO ha kaba ki ophisar, naduh ki pulit ka tnad pynlip ding bad kiwei kiwei ki bunkam ban ai jingïarap ïaki paidbah bad nongtrei katei ka Block ban ioh ka jingsumar ba kyrkieh ban lait na kano kano ka jingmynsaw bad ka jingduh noh ki mynsiem.
Lyngba kane ka mock drill ka district kala long ruh kaba pynkhreh haba don kano kano ka jingshah lyngshop haka bor mariang.
