Nongpoh, Jymmang 08: U Samla Albert Maring naka shnong Umdap Dumu ha Ri-Bhoi District u la ai jingmut ba ka sorkar jylla ka dei ban wan rah shi bun ki kam pynroi ha ki thaiñ nongkyndong bad khappud ban lait na ka jingkhap ngiah ka sor Shillong bad khap sor ba ka sorkar ka donkam ban phaikhmat sha ki thaiñ nongkyndong ban theh shibun ki kam pynroi.
U la pynpaw ruh ba ka jingbymdon ki kam pynroi ha ki thaiñ nongkyndong bad khappud bad ka jingbymdon ki lad ioh kam ioh jam ïa ki samla ka daw bah ba bun ki briew ki poi sha sor Shillong bad ki kahp sor ban wad kam ka mai jakpoh , ka jing bym don ki surok lynti syngkien ha ka kit ka bah bad ki kam pynroi ka daw bah daw ba bun ki briew na ki thaiñ nong kyndong bad khappud ba kin poi sha ki jaka ba kham long sor ban wad kam wad jam khaii pateng bad ki wei ki wei ki kam ban ka mai ja kpoh.
Bun ki samla ba la nang la stad kiba dep ha ki kyrdan bapher bapher kim ju neh ban ban shong ha shnong ba ym don ki lad ioh kam ioh jam bad ki wei ki kam pynroi kam ka mai jakpoh, kaba sngew sih ka long khamtam ki khun samla kynthei kaba dei ban peit ban ri ban sumar ïa ka iing ka sem ïa ki kmie ki kpa hynrei hap ban trei bylla wad kam wad jam jngai nala iing jngai na ki kmie ki kpa ka daw ba ym don ki lad ioh kam ka mai ja kpoh ha shnong.
Namarkatta lyngba kane ka ne ka jingthoh nga kwah ban ai jing mut bad kyrpad sha ka sorkar jylla ba ka dei wanrah katjuh ki kam pynroi ha man la ki dong ki thaiñ, ki kyndong kynshrot jong ka jylla (provide equal development to each and every corner of the state) khnang ban lait na ka jingbun briew bad jingkhap ngiah ka sor shillong bad ki wei ki jaka ba kham long sor.
Ka sorkar ka dei ban wan rah shi bun ki kam pynroi ha ki thaiñ nongkyndong bad khappud naduh ki surok, ki lynti ki syngkien, ki um bam um dih, ki skul ki college, ka bording elektrik ki jaka sumar, ki jaka ai jinghikai, ki tnad ophis sorkar bapher bapher ban pyn suk ïa ki paidbah ba sah ha ki thaiñ nong kyndong bad khappud ba kin long ruh kum ka jingïada ïa u pud u sam ban pyni ïaki dak ki shin ka jinglong trai ïaka khyndew ka shyiap lyngba ki kam pynroi.
