Shillong, Naitung 28: U Chief Conservation Officer of Forest Wildlife, u P. R Marak ha ka sngi Palei u la pyntip ba ka tnat Forest and Environtment ka la thaw ïa ka Expert Committee On Restoration And Protection Of Water Bodies ban wanrah da ki lad ki lynti ki ban pynneh pynsah ïa ki um ki wah, ki pung bad ki ki tyllong um ha ka jylla.
Haba kren sha ki lad pathai khubor u Member Secretary jong ka ka committee u la ong ba la thaw nyngkong ïa kane ka committee ha ka 23 tarik u Jylliew katkum ka hukum na ka High Court ka jylla Meghalaya lyngba ka PIL No.10 ha u snem 2019 ha kaba ïadei bad ka jingpynkhuid ïa ka pung Umïam bad ïa ka hukum la pynmih ha ka 3 tarik Jylliew, 2022
“Ka phang kaba hakhlieh eh jong ka Committee ka long ban ai jingmut ïa ka sorkar jylla halor ki lad kiba ka lah ban shim bad pyntreikam na ka bynta ka jingpynneh-pynsah ïa ki tyllong um bad ki met um ha ka jylla,” ong u Marak.
U Marak u la ong ba ha kaba ïadei bad ki um ki wah, ka National Green Tribunal ka la pynmih ïa ka River Rejuvenation Committee hadien ba la mih khubor ha ka kotkhubor “Hindu” ha ka 17. 09. 2018 kaba thoh “Ki wah ki la bun kiba jaboh”. Katkum kane ka khubor, ka Central Pollution Control Board ka la ïoh kheiñ 351 tylli ki umbah bad ki wah kiba la jaboh bad ki bym bit shuh katkum ka Bio-Chemical Oxygen Demand (BOD), napdeng kine 7 tylli ki dei na ka jylla, ba kynthup ïa ka Wah Umkhrah, Umshyrpi, Kyrhokhla, Nonbah, Umtrew, Lukhaand Myntdu. La thaw ïa ka River Rejuvenation Committee ha ka 24.01.2019 na ka bynta ban thawlad ban pynkhuid ïa kine ki wah.
Ha ka 23 tarik u Jylliew 2022, ka sorkar jylla ka la thaw ïa katei ka Expert Committee kaba la lamkhmat da u Principal Chief Conservator of Forests & HoFF kum u Chairman
