Nongpoh, Naiwieng 23: Hadien ka jingjia ha Mukroh West Jaiñtia Hills District naka jingsiat iap ki pulit Assam ïa 5 ngut ki mynsiem ba lui lui, ka ding jong ka jingpynrem kala klang sha baroh ki jaka jong ka ri Khasi bad Jaiñtia, bad ha kum kane ka por kala don ruh ka jingthang taiar ha surok bah ha Ri-Bhoi kaba la pynthud ïaka leit ka wan jong ki paidbah hynne ka miet ha Umajarasi Nongthymmai.
Hadien katei ka jingthang taiar bad ka jingklang jong ka dieng kaba lah ban pynsyier bad pynthud ïaki nongleit nongwan naka liang ki pulit jong ka Nongpoh Police Station kila leit ban pynlip noh ïaka ding bad weng noh ïa kitei ki tiar kiba la klang ding ha surok bah.Haduh mynta ki pulit kim pat ioh jingtip mano ba leh ïa katei ka kam bad ka jingtohkit halor katei ka jingjia ka dang ïaid shakhmat.
