Shillong, K’Lyngkot 20: Shillong, K’Lyngkot 20: Ki nongïalam ka Bharatiya Janata Party (BJP) na Meghalaya hapoh ka jingïalam u MLA uba dei ruh u Myntri Sorkar u Bah Sanbor Shullai kila ïa kynduh ïa u union tourism bad culture minister u Ganjendra Singh Shekhawat ha New Delhi ha ka ïing sah jong u.
Ha kane ka jingiakynduh u bah Shullai u la buh ïa ka jingkyrpad ha u myntri ban pynsdang ïa ki cultural scheme bapher bapher hapoh kane ka jylla Meghalaya khnang ban ïada ïa ka dustur tynrai Seng Khasi bad Seng Raid bad ka riti dustur jong ka Songsarek Garo.
U bah Shullai u la ban jur ba la donkam ban buh ïa ka iew tynrai kaba pyni ïa ka jingriewspah jong ka thain shatei lam mihngi ha ktem ki CRPF ha Mawlai bad u la kyrpad ïa u myntri ka sorkar pdeng ban wan jngoh ïa katei ka jaka ban pynthikna ïa ka jingdonkam kaban kyntiew ïa ka kam jngohkai pyrthei jong ka tnad.
U bah Shullai u la kyrpad ruh ïa u myntri ban sdang noh ïa ka skhim pynroi ha ka kam jngohkai pyrthei ha South Shillong constituency ryngkat bad ka projek ropeway namar kan ai kam ai jam ïa ki paidbah nongshong shnong.
