Shillong, K’ Lyngkot 25: Uwei u nongshong shnong jong kawei ka shnong ha nongbah Shillong u la phah ka jingujor ba ha ka 5 tarik mynta u bnai, u la ïohpdiang ïa ka khubor na u nombar phone bym don kyrteng ba la phah lang bad ka link, ha kaba utei uba phah ïa ka message ne khubor u la pyntip ïa u ba u dang don ka pisa kaba dang sah ban siew na ka bynta ka kali jong u bad u la bthah ïa u ban hap siew T. 500/- da kaba pyndonkam ïa ka link ba la ai.
Kham hadien utei uba la ujor u la shem ba shu shah sei tuh ei ka pisa kumba T. 88,333/- napoh ka Debit card jong u.
