Nongpoh, Jymmang 19: Ka Nongpoh Town Committee tang ha kine ki khyndiat snem bala leit kala ïohpdiang ïaka song pisa kaba heh naka sorkar jylla lyngba ka ID Scheme ban wanrah ïaki kam pynroi hapoh ki 11 tylli ki shnong ba hap ha ka Nongpoh Town.
Naka liang u Bah SF Lyngdoh kum u Chairman bad u Bah Rayonald Kharkamni Secretary, kila pyntip ba tang ha u snem 2023-23 ka NTC kala ïoh pdiang haduh T.1.43 klur, bad kaba kham ai jingmyntoi shuh shuh ïa ki shnong hapoh ka Nongpoh Town ka dei na ka bynta jong u snem 2024-2025 ba ka sorkar jylla lyngba ka tnad Urbar Affairs ka la mang biang haduh T. 6 klur tam ban dang pynphuh pynphieng lyngba ki kam pynroi bapher bapher hapoh ka Nongpoh Town.
Kitei ki nongïalam ka NTC kila ai ruh ka jingkhublei ba kyrpang ïaka sorkar jylla hapoh ka jingïalam u Conrad Sangma kum u Myntri Rangbah bad kumjuh ka tnad Urban Affairs naka bynta shibun ki kam pynroi ba ka Nongpoh Town Committee kala ïoh pdiang, watla ka dei tang ka sor rit kaba dang donkam shibun ki kam pynroi, hynrei da ka jingïarap jong ka sorkar ka sor Nongpoh ka dang don haka lynti ban kiew shaphrang ha baroh ki liang khamtam ba ki shnong ki thaw kiba hap hapoh ka jingpeit ka Nongpoh Town Committee kin phuh kin phieng.
Kila ong ruh ban pynurlong ïa kitei ki jingangnud baroh donkam ka jingsnohkti lang jong baroh naduh ki nongïalam shnong, ki paidbah ban pynkylla dur ïaki shnong ki thaw khamtam ban long ruh kawei naki sor rit kaba itynnad haka jylla, kila bynrap.
