Shillong, Nailur 11: Ka jingpur jong ki jyrmi ha ki sainar eletrik ka la long ha kylleng ka jylla bad kum juh ha kane ka nongbah Shillong, ïa kaba ka MeECL kam shym la pynkhuid ïa ki wat la kila long ki jingma ïa ki paidbah khamtam ha Shillong.
Ha kine ki khyndiat taïew ka MeECL ka la pynkhuid ïa ki jyrmih kiba pur ha ki kato katne tylli ki jaka ba ki pur ha ki Transformer ha kane ka nongbah Shillong, hynrei ki jyrmi kiba pur ha ki sainar bad ki post eletrik pat kam shym la pynkhuid.
Ha YMCA Mawkhar u jyrmi u pur bha ha u post elektrik bad u don ruh hajan ïing briew, ïa kaba ka MeECL kam pat pynkhuid ne pom noh ïa u jyrmi ba la pur bha kaba ba don ha kane ka jaka bad ka don ka jingma halor kane ka bynta.
La juh ïohi na ka por sha ka por ba ka MeECL ka ju pynkhuid hynrei bun ka pynsah teng bad kane ka long ka jingma ïa ki paidbah kiba ïaid ba ïeng bad khamtam kito kiba don hajan ïing jong ki briew lane hajan jong ki dukan.
