Jowai, Naitung 12: Ka Khasi Student Union (KSU) West Jaiñtia Hills District Unit hynnin ka sngi kala leit noh synñiang da ki ball bad ki tiar pyndonkam ha ka por ba kilan met sha kawei na ki kynhun ba paw bah ka Niaw Wasa Football Club. Ka seng kala ïathuh kum ka dak ban ai mynsiem bad ban kyntu ïa ki samla ïalehkai ka Club kala pynlong kane ka jingsynñiang kat ba kot ka bor bad kala pynshlur ïa kiwei pat ki samla ban phai khmat sha ki kam kilan met khnang ban lait naki kam sniew khamtam ha ki jingdih kiba pynbuaid.
Ha kane ka sngi ladon lang u Platini Mukhim u Sports Secretary ka seng bad u samla Leningrad Tariang u General secretary uba la ai ka jingkyntu ïa ki rang ïalehkai ka Club ba kin don ka mynsiem ïaleh, ban long kiba tista ban kilan met (practice) bad ruh khamtam ban long kiba don ïa ka akor ka burom ka seng ka ai mynsiem ïa baroh ki players bad ruh ïa ki trai ka club ba kin dang ïai ïaleh bad ban rah nam ïa ka Ri bad ïaka Jait Bynriew baroh kawei.
