Nongpoh, Risaw 01: Ki pulit jong ka Ri-Bhoi District hapoh ka jingïalam jong u Supreintendent of Police u Jagpal Singh Dhanoa, ryngkat kiwei ki pulit ophisar, ki langrut da ka mynsiem ba kylluid mynta ka sngi kila leit ban synñiang ïala ka jong ka snam ha Blood Bank jong ka Nongpoh Civil Hospital kaba dei ruh shibynta jong ka jingrakhe ïaka National Voluntary Blood Donation Day.
Haba kren sha ki lad pathai khubor naka liang u Rubul Islam Incharge ka Nongpoh Traffic bad u Michael Marak OC ka Nongpoh PS kila pynpaw ka jingsngewkmen halor ka jingïalam jong u SP ban leit synñiang ïala ka jong ka snam naka bynta shibun ki briew kiba donkam kyrkieh ïaka bad kane ka dei ka kam kaba kaba ki briew ki lah ban leh ban pynim ïa shibun ki mynsiem haka por ba donkam kyrkieh ïaka snam.
