Sylloklang shwa bad kiba don bynta ha shwa ban shim ïa ka rai halor ka FCRA : M.H.Kharkrang

Shillong, Ïaiong 11 : U Nongai Ktien jong ka BJP ha Meghalaya u Bah MH Kharkrang u la ong ba kum ka party ki la kyrpad ïa ka sorkar pdeng ba kan ia syllok lang shwa bad kito kiba don bynta ha shwa ba kan shim ïa kano kano ka rai haba ïadei bad ka jingtyrwa pynkylla ïa ka Foreign Contribution (Regulation) Act (FCRA).
“Ngi la dep thoh sha ka sorkar, da kaba kyrpad ba kin shim shwa ïa baroh ha ka jingïamir jingmut, namar ba baroh ki ba tyngkhuh kin shah ktah ha kano kano ka jingpynkylla,” u la ong haba kren bad ki lad pathai khubor ha ka sngi Saitjaiñ. Shuh shuh u la ong ba ki nongïalam ba rangbah jong ka BJP ruh ki ïahap lang halor kane ka phang.
Da kaba pynpaw ba ka sorkar ka la buhteng ïa katei ka bill, na ka liang ka BJP ka pynpaw ba ki khmih lynti ba ka Sorkar Pdeng kan shim kam tang hadien ba ka la iamir jingmut na baroh kiba don bynta.
“Ïa ka jingtyrwa ban pynkylla la buh teng shwa, bad kumta ngi khmih lynti ba ka Sorkar India kan shim ïa ka sienjam kaba dei tang hadien ka jingïasyllok bad baroh ki ba don bynta,” bynrap biang u Bah MH Kharkrang.