Shillong, Jylliew 30: Ka Mawsynram kaba dei kawei na ki Shnong ha Meghalaya, ka la bat la slem ïa ka nam kum ka jaka ba jur slap bha ha ka pyrthei, hynrei da ka jingkylla ka suiñbneng bad jinghap slap, kala buh jingkylli la ka Mawsynram kan dang lah ban bat sah ïa kane ka nam.
U Myntri Rangbah ka Jylla Conrad K Sangma haba kylli halor kane ka kam, ula pynpaw ba ka jingsyier ba lah ban duh noh ïa ka nam kum ka “Jaka ba jur slap tam ha Pyrthei” bad lada kane ka jia kan long kaba sngewsih ïa ka Meghalaya.
U Myntri Rangbah ula ban jur ba kane ka jinglong jingman ka dei ka bym lah ban leh ei ei da ka bor u briew bad ong ba baroh kiei kiei ki wan jia namar ka jingkylla ka suiñ bneng bad ka jingnang khluit ka pyrthei.
“Ka dei, hooid, ka kam ba pynkhuslai ïa ngi” ong u Conrad haba bynrap “Ka jingkylli ka suiñbneng kala ktah ïa ki jaka kum ka Mawsynram, kaba ïa tip baroh halor ka jingïoh slap”.
U Conrad ula ban jur ba katba ka nam ka dang neh ha Meghalaya bad ki nongshong shnong jong ka, ka long kaba donkam ban ithuh bad tip ïa ki jingktah jong ka jingkylla ka suiñbneng.
U Conrad ula ban jur ïa ka jingdonkam ban ïatreilang ha ka ban leh eiei halor ka jingkylla ka suiñbneng.
