Jowai, Nailur 12: Ka lympung ïalehkai phutbol jong ka ‘Kesilroy Pala Memorial Super Division’ bala pynïaid da ka Thadlaskeiñ Sports Association (TSA) West Jaiñtia Hills kaba la long hynne ka sngi Thohdieng (12 tarik u Nailur, 2025) ha madan Wahiajer Multi-Sports Complex.
Haba phai pat sha ka jingïakhun Super Division jong kane ka sngi la ïohi ïa ka Mookyndur kaba la lah ban pynliem noh da 2-1 kol ïa ka Wahiajer SC.
Ka Mookyndur ka la pynskhem ïa ka jingjop da kaba pynkhihjar ha baroh ar kylla, ha kaba ka kol kaba nyngkong ka la wan na u Monday Lamare (38’) bad kaba ar na u Samehi Suting (68’). Katba ïaka shikol na ka bynta ka Wahiajer SC la thep da u Niki Pakma haka minit ba 87.
