Jowai, Nailar 28 : Ka Nangbah Mulang ka la jop da kaba pynliem da da 2-1 kol ïa ka Sohmynting ha ka lympung ïalehkai ‘U Kiang Nangbah Memorial Trophy’ Super Division Football Tournament-2022 bala pynïaid da ka West Jaiñtia District Sports Association (WJDSA), kaba la long ha kane ka sngi saitjaiñ ha madan Kiang Nangbah Stadium Dongmihsngi, Jowai.
Ïa ki ar kol na ka Nangbah Mulang la thep marwei da u Pynishai Lathong ha ka minit ba 6 bad 19. Katba ïa ka shikol na ka Sohmynting la thep da u Meyoo Pde ha ka minit ba 75 jong ka jingïalehkai.
