Jowai, Nailur 08 : Ka lympung ïalehkai ‘U Kiang Nangbah Memorial Trophy’ Super Division Football Tournament-2022 bala pynïaid da ka West Jaiñtia District Sports Association (WJDSA), kaba la long mynta ka sngi ha madan Kiang Nangbah Stadium Dongmihsngi, Jowai.
Haba phai sha ka jingïakhun hapdeng ki ar kynhun ka Khimusniang pyrshah ïa ka Nangbah Mulang, na ka liang ka Nangbah Mulang kala kham ïalehkai bha bad haduh kaba kut jong ka jingïakhun ka jop da 4-0 kol ïa ka Khimusniang.
Ïa kitei ki saw kol na ka Nangbah Mulang la thep marwei da u rangïalehkai jong ka u Pynishai Lathong ha ka minit kaba 39, 66, 77 bad 79.
Ka jingïakhun lashai ka sngi 9 tarik kan long hapdeng ka Mynthong pyrshah ïa ka Shangpung Lumïawmushai ha ka por 3 baje janmiet.
