Jowai, Nailur 11 : Ka lympung ïalehkai ‘U Kiang Nangbah Memorial Trophy’ Super Division Football Tournament-2022 bala pynïaid da ka West Jaiñtia District Sports Association (WJDSA), kaba la long mynta ka sngi saitjaiñ ha madan Kiang Nangbah Stadium Dongmihsngi, Jowai.
Haba phai sha ka jingïakhun hapdeng ki ar kynhun kata ka Ladthadlaboh pyrshah ïa ka Sabahmuswang ha, na ka liang ka kynhun ïalehkai jong ka Ladthadlaboh kala lah ban pynliem da 7-0 kol ïa ka Sabah Muswang, ïa kitei ki kol na ka Ladthadlaboh la thep da u Medon Salahe ha ka minit ba 7, u Nitenjan Pala ha ka minit ba 26, u Thikwell Bareh ha ka minit ba 27, u Jeffrey Surong ha ka minit ba 31, 45 & 56 katba u Simeon Suchiang ha ka minit ba 40.
Ka jingïakhun ha ka sngi nyngkong 12 tarik kan long hapdeng ka 7 Wasa pyrshah ïa ka Nangbah Mulang ha ka por 3 baje janmiet.
