Jowai, Nailur 05 : Ka lympung ïalehkai ‘U Kiang Nangbah Memorial Trophy’ Super Division Football Tournament-2022 bala pynïaid da ka West Jaiñtia District Sports Association (WJDSA), kaba la long mynta ka sngi ha madan Kiang Nangbah Stadium Dongmihsngi, Jowai.
Haba phai sha ka jingïakhun hapdeng ki ar kynhun kata ka Khimusniang pyrshah ïa ka Sabah Muswang ka jingïalehkai kala long kaba ïakhaid bha naduh kaba sdang jong ka kylla step tad haduh jong ka kylla miet, hynrei dei ha ka minit kaba 77 u rang ïalehkai jong ka Khimusniang u Jeffrey Litting ula lah ban thep ïa ka shikol, lyngba kane ka kol ka Khimusniang kala jop da 1-0 kol.
Ka jingïakhun lashai ka sngi 6 tarik kan long hapdeng ka Shangpung Lumïawmushai pyrshah ïa ka Ladthadlaboh ha ka por 3 baje janmiet.
