Jowai, Naiwieng 18: Ka lympung ïalehkai phutbol jong ka kyrdan ‘Super Division Football Tournament – 2024’ ïa kaba la tip kum ka “U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kaba la long ha ka Lah sngi U Blei 18 tarik u Naiwieng ha madan Kiang Nangbah Stadium, Dongmihsngi Jowai.
Ha ka jingïakhun kaba nyngkong ka kynhun ïalehkai jong ka 7 Wasa United kala pynliem da 6-1 kol ïa ka Shangpung Lumiawmushai, ïa ki kol na ka 7 Wasa United la thep da u Samuel Sumer haka minit ba 16, u Jeff k Rymbai haka minit ba 71, u Niewkor Sana haka minit ba 75, u Dawan Malang haka minit ba 82, u Embor Lamare haka minit ba 85 bad u Syndong Lymgdoh haka minit ba 90. Ïa ka shikol na ka Shangpung Lumiawmushai la thep da u Raplanglangki Shullet haka minit ba 30.
Katba ha ka jingïakhun kaba ar ka Nangbah Mulang kala pynliem da 1-0 kol ïa ka Ladthadlaboh, ïa kati ka shikol na ka Nangbah Mulang la thep da u Dashngain Sukhlaiñ haka minit ba 81.
La pyntip ka jingïakhun haka 20 tarik u Naiwieng, 2024 ka long hapdeng ka Mukhla Raij SC pyrshah ïa ka Nangbah Mulang – 11 baje mynstep. Katba ka Sailung Ialong pyrshah ïa ka Shangpung Lumiawmushai ha ka por 2 baje nohphai sngi.
