Jowai, Nailur 12: Ka lympung ïalehkai ‘U Kiang Nangbah Memorial Trophy’ Super Division Football Tournament-2022 bala pynïaid da ka West Jaiñtia District Sports Association (WJDSA), kaba la long mynta ka sngi ha madan Kiang Nangbah Stadium Dongmihsngi, Jowai.
Haba phai sha ka jingïakhun hapdeng ki ar kynhun kata ka 7 Wasa pyrshah ïa ka Nangbah Mulang, ha kaba ka kynhun ïalehkai jong ka 7 Wasa kala jop da 3-1 kol ïa ka Nangbah Mulang. Ïa kitei ki kol na ka 7 Wasa la thep da u Nymphang Sumer ha ka minit ba 14 & 45+2 bad u Dashngain Sukhlaiñ ha ka minit ba 85. Katba ïa ka shikol na ka Nangbah Mulang la thep da u Rihok Tyngkan ha ka minit ba 72.
Ka jingïakhun lashai ka sngi 13 tarik kan long hapdeng ka Shangpung Lumïawmushai pyrshah ïa ka Sohmynting ha ka por 3 baje janmiet.
