Super Division ESuper Division EJHDFA: Jop ka R.ShkenshynriahJHDFA: Jop ka R.Shkenshynriah

Khliehriat, Naiwieng 18: Ka lympung ïalehkai phutbol jong ka kyrdan Super Division Football Tournament-2024 kaba la tip kum ka 4th Kyrmen Shylla Contribution Trophy ïa kaba la pynïaid da ka East Jaiñtia Hills District Football Association (EJHDFA) kaba la long ha ka Lah sngi U Blei (18 tarik u Naiwieng), 2024 ha madan EJDSA Artificial Turf, Diengshynrum, Khliehriat.
Haba phai sha ka jingïakhun kaba nyngkong ka kynhun ïalehkai jong ka R.Shkenshynriah SC kala pynliem noh da tang 1-0 kol ïa ka R.Iawpynsing SC, bad ïa katei ka shikol na ka R.Shkenshynriah SC la thep da u One enjoy Dkhar haka minit ba 32.
Ha ka jingïakhun kaba ar kaba la long hapdeng ka Sutnga SSCC bad ka Ladrymbai-B SC kila poi sha ka jingïakhaid ha kaba baroh arliang ki la thep mar 2-2 kol.
Ha kane ka jingïalehkai, ka Ladrymbai-B SC ka la hap wanphai nadien ban pynïakhaid hadien ba shah lamkhmat haduh 2 kol ha ka kylla step.
Ka Sutnga SSCC ka la ïoh lamkhmat nyngkong hadien ba kum bakla thep hi u Laxman Lamare haka minit ba 19 (Own Goal) shuwa ba u Skhemborlang Rupai un pynkhih ïa ka kol kaba ar haka minit ba 45+2.
Hynrei ka Ladrymbai-B SC ka la pynphai lyngba u Sam Shylla haka minit ba 49 bad u Rimetre Lyngdoh haka minit ba 76.
La pyntip ka jingïakhun mynta ka 19 tarik, Naiwieng kan long hapdeng ka Dhana SC bad ka Thangskai Tiger SC haka por 11:45 pm, katba ka Khliehriat West YWSC pyrshah ïa ka Chiehruphi SC ha ka por 2:15 pm.