Subroto Cup: Wanphai ïing ka kynhun U-15 jong ka jylla hadien ba lap ba la palat snem ki khynnah ïalehkai

Shillong, Nailur 04: Ka kynhun ïalehkai phutbol Under-15 jong ka Meghalaya kaba thmu ban ïakhun ha ka Subroto Cup 2025 ka la hap ban wanphai ïing noh na Bengaluru hadien ba la lap ba saw ngut ki khynnah ïalehkai jong ka kynhun ki la palat snem.
Ha ka jingshisha ka ka Mawtneng Upper Primary & Secondary School, kaba na Ri-Bhoi, ka la dei ban mihkhmat ïa ka jylla Meghalaya ha katei ka lympung State Level, hadien ba ka la rah ïa ka nam lahduh ha ka State Level ha u bnai Naitung.
Lah ban kdew ba ki nongpynïaid ki shim khia bha ïa ka jingleh thok ïa ka rta khamtam mynta u snem bad kaba sngewsih ka long ba ka Mawtneng ka dei kawei na ki katto katne ki skul kiba la shah pynshitom. Katkum ki tyllong khubor ba la ïohlum ki don haduh 21 tylli ki skul kiba la shah pynduh ban shim bynta ha kane ka lympung.