State Body Building C’Ship 2023: Khur u Atlanta D. Shira ïa ka nam ‘lahduh napdeng ki lahduh’

Shillong, Risaw 02: Ka Meghalaya Body Builders’ Association ka la ïoh ban pynlong ïa ka rynsan ïakop pyni dohksah kaba la tip da ka 47th Meghalaya State Body Building Championships ha ka 30 tarik jong u Nailur, 2023 ha Aurobindo institute, Shillong, bad ïa ka nam lahduh napdeng ki lahduh (Champions of Champions) la khur da u Atlanta D. Shira na ka Lion’s Den Unisex Fitness Centre Tura.
Ka jingthmu jong ka Meghalaya Body Builders’ Association da kaba pynlong ïa kane ka rynsan ïakop pyni dohksah ka long shi bynta ban jied ïa ki nongmihkhmat ki ban aireng ha ka National Level, shuh shuh, ha kane kajuh ka sngi la ïoh ruh ban pynlong ïa ka 42nd Yogasana Championship 2023. Ki kyrteng jong ki nongjop ki long kumne:
Ha ka kyrdan 55 KG Group, u Same Wanpaswet na ka Iconic Strength And Fitness u la wan kyrdan ba nyngkong, bud sa u John Paul Dapjingshai Langstieh na ka Singer Gym u la wan ba ar, katba u Rajanikanta Debarma (Muscle Excess Fitness Gym) u la wan ba lai.
Ha ka thup 55-60 KG GROUP, la jop da u Bhalang Khongwir (Claudia’s Fitness Hub), ba ar da u Lalremmawia Sangma (Synergy Fitness Gym), katba u Vianycolas Kharbyngar (Elite Gym) u la wan ba lai.
Ha ka kyrdan 60-65 KG GROUP, la khur namlahduh da u Donbok Sangriang (300 Gym Nongstoiñ), kyrdan ba ar da u Banbhabok L. Nongrang (The Royal Gym), u Raj Kumar Saha ha ka kyrdan ba lai (Lion’s Den Unisex Fitness Centre Tura).
Ha ka thup jong ka 65-70 KG GROUP, u Vijay Singh u la wan ba nyngkong (FITORIUM GYM), kyrdan ba ar da u John Sangma (Synergy Fitness Gym), u Mintu Nath ha ka kyrdan ba lai (Muscle Excess Fitness Gym).
Ki nongjop ha ka kyrdan 75 KG ABOVE GROUP, ki long u Atlanta D Shira (Lion’s Den Unisex Fitness Centre Tura) ba nyngkong, bad kyrdan ba ar da u Raj Kumar (POWER HOUSE GYM) bad khadduh u Krishna Thapa (Chandan’s Gymnassium).
Ki lahduh ha ka thup jong ka Men’s Master Body-Building ki long u Rakesh Bhattacharjee (Power House Gym) ha ka kyrdan ba nyngkong, u Vijay Limbu (Excel Muscle Gym) ha ka kyrdan ba lai, u Krishna Thapa (Chandan’s Gymnassium).
ïa ka Men’s Best Physique hapoh 165 CM, la jop da u Bhalang Khongwir (Claudia’s Fitness Hub) ha ka kyrdan ba nyngkong, u Raj Kumar Saha (Lion’s Den Unisex Fitness Centre Tura), bad kyrdan ba lai da u Rehearsal Jones Hynñiewta (Franky Calisthenic Fitness Gym).
ïa ka nam Men’s Best Physique shajrong 165 CM, u McEnroe T. Sangma (Lion’s Den Unisex Fitness Centre Tura), u Binjovy Marak (Lion’s Den Unisex Fitness Centre Tura), u Vijay Singh (Fitorium Gym) ha ka kyrdan ba lai.
Napdeng ki kynthei, ïa ka nam Best Physique, la khur da ka Valentina Basumatary (Claudia’s Fitness Hub) ba nyngkong, ka Airikmenlang Shabong (Fitness Tribe) ha ka kyrdan ba ar, ka Cara Mercia Mylliemngap (Claudia’s Fitness Hub) ha ka kyrdan ba lai.
ïa ka nam Champions of Champions lane Mr. Meghalaya la ïohrah da u Atlanta D. Shira (Lion’s Den Unisex Fitness Centre Tura).