SHILLONG, Naitung 31: Ka Mawlynrei SC ka la pynthikna ïa ka jaka ha ka semi final bad kumjuh ruh ïa ka jingkiew kyrdan sha ka Third Division ha ka samoi ban wan hadien ba ka la pynliem noh ïa ka Golflink SC da 3-0 kol ha ka Quarter final jong ka Shillong Sports Association Fourth Division (U-20) Football League 2025 hynne ka sngi Palei, ha madan First Ground-SSA Stadium, Polo.
Ka Mawlynrei ka la pynskhem ïa ka jingjop naduh ka kylla step da kaba thep ar tylli ki kol lyngba u Ferdinand Pyngrope (3’min) bad u Elvinson Kharsohnoh (25’min). Ha ka kylla miet u Andrew Marboh u la nang pynskhem ïa ka jingjop da kaba pynkhih ïa ka kol kaba ha ka 75 minit.
Ka jingïakhun Quarter final SSA 4th Division ha kane ka sngi kan long hapdeng ka 3 shiteng nohphai sngi hapdeng ka Mawkasiang SC pyrshah ïa ka Mawphlang SC.
