Shillong, Risaw 02: Ka lympung ïalehkai jong ka SSA SRGT 3rd DIVISION Football League 2023 kaba la long hynne ka Sngi Nyngkong ha madan 3rd Ground, MFA Turf Polo.
Ka jingïalehkai kaba la long hapdeng ka Krang SC pyrshah ïa ka Nongmynsong SC ka la kut da ka jingïakhaid ha kaba baroh arliang ki la ïoh ban thep mar ar kol.
ïa ki ar kol na bynta ka Krang SC la thep da u Kyrpanglang Mawlong ha ka minit ba 49 bad na u Kynjohbor Thangmaw ha ka minit ba 59.
Katba na ka liang jong ka Nongmynsong SC ïa ki ar kol la thep da u Tisharbor Rani ha ka minit ba 20 jong ka kylla step katba ka kol kaba ar na u Midal Amsong ha ka minit ba 45.
Ka jingïakhun mynta ka sngi kan sdang ha ka por 5:15 baje janmiet ha kaba ka kynhun Umlyngka SC kan aireng pyrshah ïa ka Lapalang SC.
