SHILLONG, Nailur 10: Ka Mylliem Lum ka la ïoh ban khur ïa ka jingjop ha ka jingïalehkai jong ka Shillong Sports Asociation Second Division Football league 2025, hynne ka sngi Balang, da kaba pynliem noh ïa ka Mawpat SC da 0-2 kol, ha madan First Ground-SSA Stadium, Polo.
Ka Mylliem Lum ka la ïoh ban thep ïa kine ki kol ha baroh ar tylli ki kylla, ha kaba u Eliastar Nongsiej (29’min) u la thep ïa kaba nyngkong ha ka kylla step, katba u Shaitborlang Kharkrang u la pynbud ïa kaba ar ha ki minit pynjlan shuwa ban kut ka kylla miet (90+2min).
Ka jingïalehkai ha kane ka sngi Palei (11.09.2025) kan long ha ka por 1:30 baje mynsngi hapdeng ka Smit SC pyrshah ïa ka Laitkyrhong SC.
