Shillong, Nailur 08: Ka Laitkyrhong SC ka la khur ïa ka jingjop da kaba pynjemkhnap ïa ka Nongmensong SC haduh 6-0 kol ha ka jingïakhun hynne ka sngi Nyngkong jong ka lympung Second Division Football league 2025 ba la pynïaid da ka Shillong Sports Association ha madan SSA Stadium.
Ka Laitkyrhong ka la ïoh ban pynkhih ïa kine ki kol lyngba u Samuel Suting (40’), u Samboklang kurkalang (45+2’), u Banshaibok Khongsngi (57’), u Banrihok Rynjah (70’) bad u Deibanrap Kharumnuid (78 & 82’).
Ka jingïalehkai ha kane ka sngi Ba ar (09.09.2025) kan sdang ha ka por 1:30 baje mynsngi hapdeng ka PFR FA bad ka Sohryngkham SC.
