SHILLONG, Naiwieng 14: Ka Nongkrem SC ka la khur ïa ka jingjop da 2-1 pyrshah ïa ka Nongtymmai SC ha kawei na ki jingïalehkai jong ka Shillong Sports Association First Division Football league 2025, kaba la long ha ka sngi Palei, 13 tarik Naiwieng, 2025 ha madan First Ground, SSA Stadium, Polo.
Hadien ka jingïakhun kaba khlem kol ha ka kylla step ka Nongkrem ka la ïoh ban pynkhihjar ha ka minit kaba 69 lyngba u Balajied Lyngwa hynrei ka Nongthymmai ka la pynïakhaid shipor lyngba u Wanshwanaki Suphai ha ka 85 minit.
Tang shuwa ban kut ka por ka Nongkrem ka la ïoh syndon ban pynkhih ïa ka namtam lyngba u Vinson C Kharsyntiew (90’) kaba la pynthikna ïa ka jingjop.
