SHILLONG, Naiwieng 20: Ka Lawsohtun SC ka la pynkut ïa ka samoi ïalehkai jong ka ha ka First Division Football league 2025 jong ka Shillong Sports Association da ka namjop da 3-1 kol pyrshah ïa ka Nongkrem SC hynne ka sngi Palei ha madan First Ground, SSA Stadium, Polo.
U Khlainbor Sohtun u la long u namtam na ka bynta ka Lawsohtun da kaba thep hat trick ha ka 10, 58 bad 76 minit ban pynthikna ïa ka jingjop. Katba ka shi kol jong ka Nongkrem la thep da u Balajied Lyngwa ha ka minit kaba 30.
Watla ka Lawsohtun ka la pynkut da ka jingjop hynrei kam shym la lah lait satia na ka jingshah pynhiar kyrdan, namar ka kamai tang 5 poin naki 9 tylli ki jingïakhun.
