Shillong, K, Lyngkot 31: U Dr. Vijay Kumar D uba dei u Chief Executive Officer jong ka Meghalaya Basin Management Agency (MBMA), bad u Dr. Harish Hande, u Chief Executive Officer jong ka SELCO Foundation, kila ïaoi ïa ka Memorandum of Understanding (MoU) ban pynkhlain bad ïarap na ka bynta ki nongseng kam lajong ha ki thain nongkyndong ha kylleng ki jaka jong ka Meghalaya hapoh jong ka PRIME Programme.
Kane ka jingïatrei lang ka thmu ban ïarap ïa ka ïoh ka kot sha ki thain nongkyndong da kaba kyntiew lyngba ka Decentralised Renewable Energy (DRE), Energy Efficiency (EE), bad ka Green Built Environment (BE) ba la kyrshan da ki rukom ai pisa kiba kynthup lang bad kiba thymmai.
H apoh ka jingiatreilang, ka MBMA bad ka SELCO Foundation ki thmu ban kyrshan ïa palat 500 tylli ki jaka seng kam ha ki thain nongkyndong, da kaba ai jingïarap ïa ki jaka seng kam na kut sha kut da ka jingiarap.
Kane ka jingthmu la khmih lynti ba kan kyntiew shibun ïa ki nongseng kam seng jam ha nongkyndong bad kan pynskhem ïa ka jingim kaba neh bad ka jingseng kam seng jam ha kylleng ka Meghalaya.
