Shillong, Nailar14: Ka Meghalaya State Olympic Association ha ka Lah Sngi U Blei ka la pyndep ban soi ïa ka Memorandum of Understanding (MoU) na ka bynta ka kylla ba lai jong ka Talent Identification Programme bad ka ba ar jong ka Elite Pathway Programme na bynta u snem 2024-25. Kane ka MoU ka long ka jingthmu ban pyntreikam ïa ka Talent Identification na bynta ki 10 hajar ngut ki khynnah lehkai ba don ïa ka sap ba kyrpang kiba naduh 6 snem shaneng bad ruh na bynta ka Elite Pathway Program ïa ki 200 ngut ki athlete kiba la shah jied .
ïa kane ka jingïateh soskular (MoU) la soi da u General Secretary ka MSOA- u Bah Finely L Pariat bad u Director of Sportality – u Ian Campbell ha ka jingïadonlang u Working President ka MSOA- Bah John F Kharshiing, u Bah Dipshon Ryntathiang bad u Bah P Laloo.
Kumban shu kdew, ha ka bynta ba ladep jong kane ka prokram ki la don palat 10 hajar ngut ki khynnah ïalehkai kiba don ïa ka sap ba kyrpang bad 200 kiba la shah jied na bynta ka EPP.
ïa kane ka program ba la kdew ha neng ladep ban plie kham mynshuwa da u Myntri Rangbah ka Jylla, u Conrad Sangma ha ka 14 tarik u Lber, 2024 shuwa ka election lok sabha. ïa kane ka talent Identification program yn pyntreikam ha man ki Districts jong ka jylla Meghalaya.
