Sngewnguh u Myntri Khynnah ïa u synñiang ki Balang ha ka Pule puthi bad ka Koit ka Khiah

Shillong, Naiwieng 26: U Myntri khynnah ka Sorkar Pdeng uba peit ïa ki rit paid u John Bala u la ai jingïaroh ïa ki Balang kiba la noh synñiang sha u sup u thiar jong ka pule ka puthi bad ha ka liang ka koit ka khiah ha kane ka Jylla Meghaya.
Ha ka jingwan iuhkjat ha kane ka nongbah Shilong u John Barla u la leit ban ïakynduh ïa u Archbishop jong ka Jyllaniam Bah Shillong u Most Rev. Victor Lyngdoh ha kaba la synran lang da u Vicar General u Rev. Fr. Richard M. Majaw, ryngkat ki nongkitkam jong ka BJP Meghalaya State Unit ba kynthup ïa u State President u Bah Ernest Mawrie.
Ha kane ka jingïakynduh ha Archbishop’s House, Laitumkrah na ka liang jong u Most. Rev. Victor Lyngdoh ula pynpaw ïa ka jingsngewnguh ïa u Barla uba la wan jngoh bad u la khot sngew bha ban wan biang ha ki sngi leh kmen Khristmas ha nongbah Shillong.
U Barla u la wer ïa u Archbishop ban ai ka jingïatreilang bad ka Sorkar Pdeng na ka bynta ka roi ka par jong ka jylla Meghalaya bad ban wanrah ïa ka shongsuk shongsaiñ bad u la pynpaw ruh ka jingsngewnguh kaba khraw ïa ki Khristan kiba la noh syniang sha ka Ri India ha ka liang ka pule puhti bad ki jaka ai jingsumar.
Ha kane ka jingïakynduh, la pynkynmaw ba u Myntri Rangbahduh jong ka Ri India u Narendra Modi u la ïa kynduh ïa u Kpa Bakhuid u Pop Benedict XVI ha Rome bad la pynkynmaw ba u Barla ïalade ruh u dei uba wan na ka longing longsem Khristan.
Ha kaba ïadei bad ki jingud jingnam, na ka liang jong u Barla u la ong ba un sa ïaleh ban weng ïa ki jingeh ba la pynpaw da ki Nongïalam Niam bad u la kyntu ban ïatreilang bad ka Sorkar Pdeng na ka bynta ban kyntiew ïa ka roi ka par jong ka jylla Meghalaya ha kiba bun ki liang.