Sngewnguh ki longkmie ïa u Bah Drelly ba ki ïoh ïa ka jingkhiah na ki dawai kynbat

Mawkyrwat, Risaw 05: Ki ar ngut ki longkmie na ka thaiñ Mawkyrwat kiba la tip kyrteng kum ka kong Therona Ïawphniaw na ka shnong Mawsaw bad ka kong Ebrista Thyrniang na ka Shnong Siej-ïong ki shnong kiba hap hapoh ka South West Khasi Hills District kim lah khlem da pynpaw ka jingsngewnguh ïa kaei kaba ki la shem ha ka jingim jong ki bad ki kwah lem ban pynsaphriang ïa ka khubor ba bha sha kiwei pat.
Kane ka jingphah khubor sngewnguh jong ki ar ngut ki longkmie ka dei hadien ba ki ïoh ïa ka jingkoit jingkhiah na ka jingpang kaba ki la duh jingkyrmen ha ka jingim jong ki. Ym tang kata, kine ki ar ngut ki la ai khublei kyrpang ïa u bah Drelly Lyngdoh uba dei u nongsumar dawai khasi na ka thaiñ Mawkyrwat, South West Khasi Hills District.
Lah ban kdew ba ka kong Therona Ïawphniaw ka dei ka longkmie kaba la shu thiah ha jingthiah lah da ki bun ki bnai. Ka jingthiah pang jong ka ha jingthiah, ka dei hadien ba ka la ïoh ïa ka jingshitom at bad pdung baroh shirynïeng na ka daw jong ka jingshah puh bseiñ bad hadien ka jingshah-puh kiba ha ïing ha sem ruh kim don jingkyrmen shuh ba kan dang im.
“Nga la pyrshang ban wad ki dawai kylleng kylleng hynrei ngam ïoh ïa ka jingkoit bad dei hadien ba ka la ïakynduh ïa u Bah Drelly Lyngdoh bad namarkata, lyngba ka jingsumar jong u da ki dawai khasi mynta nga la ïoh jingkoit bad mynta nga don hapdeng ka met kaba koit ba khiah”, ong ka kong Thedora.
Ha kaba ïadei bad ka jingaikhublei jong ka kong Ebrista Thyrniang ïa u bah Drelly Lyngdoh ka dei hadien ba u ksiew jong ka uba dang 5 snem u la ïoh ïa ka jingkoit. Katkum ka jingïathuh jong ka kong Ebrista Thyrniang, la ong ba u ksiew jong ka u don ka jingshitom at bad long khñiang ha ki bynta jong ki jaka leit shabar bad la ïathuh ruh ba ka la pyrshang ban leit wad dawai kylleng bad ka leit ruh ha ki hospital ha kaba ki doktor ki la pan ban puid. Kumta hapdeng jong ka jingduh jingkyrmen, la ong ba la don ki para shnong kiba la ïathuh shaphng uwei u nongsumar dawai khasi bad kumta ka leit pyrshang ban dih dawai na u bah Drelly Lyngdoh bad ha ka jingpyrshang jong ki une u ksiew jong ka uba dang 5 snem karta ula koit.
Ha kaba ïadei bad u Bah Drelly Lyngdoh uwei na ki Nongsumar Dawai Khasi ha Mawkyrwat, South West Khasi Hills District u kwah ban pyntip sha ki paidbah ba lada don kiba kwah ban kynduh ïa u ban ïoh jingsumar, la ong ba une u bah Drelly u ai dawai man ka sngi ha Ïew Mawkyrwat hajan ka Post Office Mawkyrwat bad lait noh tang ha ka Sngi Sngi Palei u don ha ka jaka sumar ha Mawmerang ryngkat bad u Bah Wisdingdar Syiemlieh uba dei u nongsop dawai ïa kiba kheiñ shyieng, laitdoh bad kiwei kiwei.