Sngewlem u Bah Sanbor bad ha ryngkat ki paidbah ka 19th South Shillong ba khlad u Dr Ricky

Shillong, Rymphang 20: U Myntri sorkar ba peit ïa ka tnad Arts and Culture u Bah Sanbor Shullai u la phah ka khubor sngewlem sha kiba ha ïing ha sem jong u (L) Dr Ricky AJ Syngkon uba dei u Member of Paliament (MP) jong ka Lok Sabha, Shillong Constituency uba la khad kyndit ha ka janmiet jong ka sngi Palei, ha Dr. HG Robert Hospital.
Ka long shisha ka jingsngewsih ba khraw bad ka jingduh noh ba khraw ïa ka jylla Meghalaya hi baroh kawei namar ba u (Late) Dr. Ricky A. J. Syngkon u dei u nongïalam ba paw, nongïalam niam bad u riewstad, ong u Bah Sanbor ha ka kyrwoh.
U long u briew uba sngewtynnat, uba sngewthuh ha ka jinglong bad u nongkren uba tbit bha uba dap da ka jingkmen bad u briew uba dap tang da ka jingphuh sam rkhie.
U la long u nongsumar ïa kiba duk, kiba kyrduh bad ïa kiba tlot bor, ïa (L) Dr. Ricky A. J. Syngkon, u Blei u tip bad ïohi ïa ka jingpang bad ka jingjynjar bad kumta u la khot noh sha lade.
Hooid ka long ka jingshisha ba jingiap ka iehnoh ïa ka jingsngewsih kaba ym lah ban pynkoit satia, hynrei ka jingieit ka iehnoh ïa ka jingkynmaw ksiar kaba ym don mano mano ba lah ban tuh. Ka la pynmong ïa ka dohnud jong ngi ban duh noh ïa phi, hynrei phim shym la leit marwei namar ka bynta jong ngi ka la leit ryngkat bad phi ha ka sngi ba U Blei U khot ïa phi sha la ïing.
Nga, na ka liang jong nga, ka ïing ka sem jong nga bad ki paidbah ka Constituency jong nga, ka 19- South Shillong, nga pynpaw ïa ka jingsngewlem kaba khraw sha kiba ha ïing hasem bad kiba haïing hasem ba ïajan jong kane ka longïing kaba la duh noh. Ngi duwai ba u Blei uba donbor baroh un ïalam, un pyntngen bad un aibor ïa ki ha kum kane ka por kaba dum tam jong ka jingim jong ki, la pynpaw u Bah Sanbor
“Ka jingkynmaw ksiar jong ki jingphuh samrkhie jong phi kan sah ha ki dohnud jong ngi” ong u Bah Sanbor.