Sngewlem ka Seng Syngkhong Rympei Thymmai na ka bynta ki longïing ba shah ktah na ka jingjia ha Mukroh

Shillong, Naiwieng :Ka seng Syngkhong Rympei Thymmai (SRT), Shillong ha u kyrwoh lyngba u Bah A.Lyngdoh General Secretary ka phah ka jingsngewlem sha baroh ki longïing kiba shah ktah lyngba ka jingjia ba sngewsih kaba la jia ha ka shnong Mukhroh, West Jaiñtia hills ha ka step jong ka 22 tarik mynta u bnai.
Ka jingsngewlem ka long ruh khamtam ia kito ki longïing kiba la duh noh ïa ki mynsiem ba kordor ha katei ka jingjia.
Na ka liang ka seng ka sngewkhia jur haduh katta katta ia ka shem pap shem jynjar bad halor ka jinglong jingman kaba ju jia man man ka por ha ki shnong kiba markhap bad ka Assam.
Na ka liang ka seng ka pynrem jur ruh ïa katei ka jingleh donbor jong ki bor pulit ka Assam ki bym shym la salia ban shim ïa ka jingim jong ki riew paidbah ba lui lui da kaba synreit kuli pathar.
Kumjuh na ka liang ka seng ka pynrem jur ruh ïa ka sorkar Meghalaya kaba leh klet leh lyndet bad iehbeiñ iehkhoh ïa ki shnong kiba don ha kylleng ki jaka khappud hapdeng ka Assam- Meghalaya.
Ka Seng kala ong ruh ba ka jingleh sting bad ka jingleh bym suitñiew ka sorkar Meghalaya ka la ktah shibun ïa ki longïing kiba don ha kine ki thaiñ khppud. Kumta ka seng ka kyntu bad kyrpad jur ïa ka sorkar ba ka dei ban leh ei ei noh mardor halor kane ka kam kaba la ktah matïong ïa ka jaitbynriew hakhmat ka pyrthei baroh kawei.