Jowai, Ïaïong 22: Ka Seiñkur Bahkhla Central Body lyngba ka kyrwoh ba la phah da u General Secretary ma Joinly Ksoo, la ong ba ka Seiñkur ka pynpaw ïa ka jingsngewsih kaba khraw halor ka jingkhad kyndit u ma J.D. Rymbai uba long u riew pawkhmat jong ka kur.
La pynsngew ruh ba ka jingkhlad jong u ka long ka jingduh kaba khraw ïa ka Seiñkur hi baroh kawei namar na ka por sha ka por u ju ai mynsiem ïa ki nongïalam ka seiñkur ba kin trei khambha shuh shuh ïa ka kam, ha ka juh ka por ruh na ka liang ka seiñkur ka phah ïa ka jingsngewlem sha kiba ha ïing ha sem bad sha ki khun ki ksiew jong u ba kin ïoh jingtngen.
