Shillong, Nohprah : Ka Seng Hynñiewtrep Petroleum Workers’ Union (HPWU) hynne ka sngi ka phah ka jingsngewlem sha i kurim, ki khun bad ka longïing baroh kawei jong u Bah Alestar N. Diengdoh halor ka jingkhlad kyndit noh jong i.
Ka HPWU ka pynpaw ka jingkyndit kaba khraw halor ka jingkhlad noh jongu nongïalam ba radbah jong ka seng u bah AN Diengdoh, uba la khlad kyndit ha ka 14.12.2022 ha ïingsah jong u ha Mawlai Umjaiur.
Ka seng kum ha kane ka por kaba dum hynne ka 15 tarik u Nohprah ki la lum ïa ka jingïalang kaba kyrkieh ha ophis treikam jong ka ha ka jingdon ryngkat u bah G.R.I. Marshillong, Working President, u bah R.C.R Kharsyntiew, vice president, u bah Daniel Wahlang, General Secretary bad ki dkhot jong ka.
Ha kane ka sngi ki la kynmaw burom ïa u, uba la long u Legal Adviser jong ka HPWU naduh u snem 2001, ha u 2002 kum u General Secretary bad naduh u snem 2007 haduh mynta kum u President ka seng.
Ka seng ka buh ruh ïa ka jingduwai ba U Blei un don ryngkat bad ka longïing jong i ha kum kane ka por.
Ha kajuh ka por ka seng ka pyntip ruh ba ka jingleit ontep ïa i bah AN Diengdoh kan long ha ka 17.12.2022 ha ka por 1 baje nohphai sngi.
