Sngewkmen bad ai khublei u Myntri Rangbah ba pynhiar khajna Umphniang ka sorkar pdeng

Shillong, Lber 27 : U Myntri Rangbah ka Jylla u Conrad K Sangma ha ka sngi Thohdieng u la pynpaw ïa ka jingsngewkmen bad ai khublei ïa u Myntri Rangbah Duh Narendra Modi bad ïa ka Sorkar Pdeng namar ka jingpynhiar ïa ka khajna jong ka petrol bad diesel da 10 tyngka ha ka shi liter ban pyndonkam hi ha la ïing, wat hadpeng ka jinglong jingman ne thma ha West Asia.
“Ai khublei ïa u Myntri Rangbah Duh Narendra Modi bad ka Sorkar Pdeng halor ka rai ban pynhiar ïa ka khajna ka Sorkar Pdeng ïa ka petrol bad diesel da 10 tyngka ha ka shi liter na ka bynta ka jingpyndonkam hapoh ka ri haba khmih ïa ka jinglong jingman ha West Asia” ong u Conrad ha ka X.
“Kane ka sienjam ha ka por kaba biang eh kan wanrah ïa ka jingsuk kaba khraw ïa ki nongshong shnong ha ka ri baroh kawei” ula bynrap.